مدينه سكيكده

مدينه سكيكده


السلام عليكم روحمه الله وبركاته



مدينه سكيكده الجزائريه



تقع سكيكدة، روسيكادا حسب التسمية الفينيقية، شرق الشريط الساحلي الجزائري.


وهي عاصمة لولاية سكيكدة. تمتاز بشطآن روعة في الجمال.


وميناء سكيكدة حاليا من الموانئ الرئيسة في الجزائر.


أنشأت المدينة على موقع نهر زرامنة وهي محصورة بين تلال بويعلي سبع بيار في الغرب




وتلال سكيكدة الموادر، المسماة بوعباز في الشرق. ما زال الجزء الأكبر من المدينة الفينيقية


والمدينة الرومانية التي بنيت على أطلالها مطمورا. ولم يظهر من تلك المدينة الفينيقية


الكبيرة سوى بعض الآثار الجنائزية الواقعة في في أعالي أستورا قرب مبنى الساعة.


أترككم مع بعض الصور

أجمل ما قيل عنها
ومن أجمل ما كتب عن هذه المدينة قصيدة باللهجة المحلية للإعلامي الشاعر عبد الفتاح بوعكاز وهي مسجلة بصوته في إذاعة سكيكدة:

رُوسِيكادا عَرُوسُ البَحْر
بابُور وبحر فوقُه غيومْ - وحُوته عَذْرا في شَطُّه تعُومْ

قالوا عليها جيرانْها - هذي عروسة بلادنا اليومْ

بصمَة لَحباب في قفطانْها - جَلْوَه بفَتْلَه ومَجْبُوذ مختومْ

موشْمَه بطيبة خِلاّنْها - وضيفها في رحابها مخدومْ

أهلي وناسي في حنانْها - والله يتغمد المرحومْ

لَفراح تحلى في أيامْها - "بْكُرنيش" في حزامها مبرومْ

زغاريتْ لَمواج في سلامْها - وريحة أنفاسها في لخشومْ

وفيها "السَّلام" عَرْش مقامْها - بُرجُه يسامي "ربعه" نجومْ

وبحرها ساجد قدامْها - وفي احْضان "سطورَه" ديما يهومْ

سيرة لَجيالْ سلسالْها - و"خيام الفن" راويها يرومْ

تاجها الإيمان وخيالْها - خلى "السردوك" عليها مكتومْ

"لَفراز" خانَه في جبالْها - وعطر "السردينه" فيها يحومْ

"اقْصر بن قانه" خَلخالْها - وتاريخ طويل معاها يدومْ

شمس "مْسِيْوَنْ" حنّاتْها - وتخجل في حَضرة لَغيومْ

ومن "غار سطورَه" هوّاتْها - نسمة الليل كِهْجَرْها النومْ

شهْلا بقمحات "رملاتْها" - ونُوّارها "التينه" و"لَكرومْ"

تسْحر بمناقش "نخلاتْها" - واللي عشقْها عن غيرها يصومْ

هذي "سكيكدة" يا محلاها - "روسيكادا" سمّاتْها الرومْ

بابُور وبحر فوقُه غيومْ - وحُوته عذرا في شطُّه تعومْ

هذي سكيكدة يامحلاها - "روسيكادا" عروستنا اليومْ

سلّمْ عليها وابدَأ من "البُورْ" - "طريقْ ليزاليي" و"الفُوبُورْ"

سلّمْ لي علَى "بنْ حُوريّه" - "ليزوليفْيي" و"القُبيّه"

"بالُو" و"الـ 700 " و"السِيسَالْ" - و"الـ 500 " دايْما في البَالْ.

وفي "لاسيَا" ريحَة لَجدَادْ - والله يَرحَم سَهْرَاتْ "الوَادْ"

حُبي الأول فيها بادِي - مع يمّى وبابا يا اسيادِي.

"بوالكروَه" "الماتْش" و"الزرامْنَا" - وربي يَرحَم أهْل "زفزافْنَا"

"كامِي" "الـ 20 أوتْ" و"مرج الديبْ" - والله يرحم "سيد علي الديبْ".

سلامي عا "الكُور" "حومَة الطليانْ" - "طلعَة الحبْس": دروج وبيبانْ

"السْويقه" "بلاغْ" "سبع بيارْ" - "بويعلى" "بني مالك" "باطوارْ"

وجبَل "بُوعَبّازْ" عَسّاسْهَا - يستنّى الغايَبْ منْ نَاسْهَا.

بابُور وبحرْ فوقُه غيُومْ - وحُوتَه عذْرا في شَطُّه تعُومْ

هذي "سكيكدة" يامَحْلاها - "روسيكادا" عروستْنَا اليُومْ

عروس البحر روسيكادا

بقلم عبد الفتاح بوعكاز




شكرا شكرا لك الخضراوي للتعريف بمدينتي الغالية

مدينة رائعة

والاروع ناسها

شكرا على الموضوع

العفو بارك الله في من مر من هاهنا



بابُور وبحرْ فوقُه غيُومْ - وحُوتَه عذْرا في شَطُّه تعُومْ

هذي "سكيكدة" يامَحْلاها - "روسيكادا" عروستْنَا اليُومْ

عروس البحر روسيكادا

الله يبارك شابة
مناااااااااااااااار اعرضيني انجي لعندك هههههههههههههههه
شكرا لك الايوبي وبارك الله فيك

عاشقة الروح كتب:

الله يبارك شابة
مناااااااااااااااار اعرضيني انجي لعندك هههههههههههههههه
شكرا لك الايوبي وبارك الله فيك

العفو ايتها الاخت الغالية

عاشقة الروح كتب:

الله يبارك شابة
مناااااااااااااااار اعرضيني انجي لعندك هههههههههههههههه
شكرا لك الايوبي وبارك الله فيك

مرحبا بيك ارواحي بلا عرضا نحطك في عيني وفوق راسي
ارواحي برك ماتبدليش رايك ههههههههههههههه

ايييييييييييييييه انجي منقولش لالا
بصح بشرط التكاليف الكل من عندك هههههههههههههههههههه

اوكي موافقة راني نسناك

بهذه الصور اخي استرجعت ذكريات الماضي القريب

حيث اني اقمت بهذه المدينة حوالي سنة كاملة

بارك الله فيك

موضوع جميل و فكرة رائعة للتعرف على ولايات الوطن

احسنت الاختيار اخي الأيوبي

شكرا على الصور

شكرااا لك أخي على المجهود حقا ولايتي من أجمل الولايات الجزائرية
ومرحبا بك في روسيكادا

العفو
كل مدينة في عين ساكينيها هي الاجمل

العفو اخي الباديسي طلة رائعة ورد اروع
لك حبي واعتزازي باخوتك

شكراااا لك اخي لقد افدتنا حقا بتلك المعلومات والصور الحقيقةوالتي تظهر مدى روعة وجمال ولايات وطننا الحبيب
واصل ولا تفاصل ايها المتالق
يا عماد المنتدى
وفقك الله اخي الايوبي

العفو اختي ربي يبارك فيك
شكرا على المرور

ماشاء الله

ولاية جد رائعة وبصحتهم للي ساكنيها والجزائر كامل جميلة ربي يبارك

شكرا لك اخي الخضراوي وان شاء الله نزورو مدينة سكيكدة وتستقبلنا منورتي هههههههههه

بارك الله فيك

مدينة رائعة وجميلة
ليا الشرف اني سبق لي وان زرتها شاااااااااااابة بزااااااااااااااااف كي ناسها ماشاء الله

شكرا أخي على الموضوع