قصيدة واش ديت الجزء 2

السلام عليكم يا احبابي
راح اشارك باول موضوع بعد طول غياب
وهذا الموضوع هو تكملة القصيدة "واش اديت" واللي وعدتكم باش نكملها
اتمنى ان تعجبكم

تذكير بالجزء الاول:
تبعتها و فيها شديت تلفت ديني و عصيت ربي
او ملي تبعتها واش اديت من غير همي او حزني و عذابي
يا حصرى معاها ما عديت ضيعت عمري و صغري و شبابي
شحال اوقات معاها قضيت او باقي ديما ماشي قلبي
من بعد زعما كلي بديت نكبر و نفيق و ندير حسابي
شحال من كتاب و كتاب قريت يمح عمري ما قريت كتابي
عمري حسبت و لا دريت واش اديت لتحت ترابي
من هاذ الدنيا الي حبيت او كان متعلق بيها قلبي
يا ادرى منها واش اديت او يا ادرى تستاهل حبي
ولا كنت غير شديت في خيط راشي وكلشي مربى
يا ربي ان الي فنيت عمري كامل عاصي ربي
لعبت و زهيت و شحال مديت او فاللخر هكذا كان جوابي
تعبت و طحت و تحديت سماط نومي و سماط شرابي
سماطت الدنيا او ذركا خذيت الدرس اللخر و غلقت كتابي
غسلت اطرافي وتوضيت ورفعت كتابي حطيتو جنبي
وقعدت غير وحدي فالبيت نقلب و نقرى ذنوبي وعيوبي
يا حصرى شحال وشحال عديت نشفى ملي كنت صبي
كيف كبرت او كيف تربيت او كيف قضيت عز شبابي
كنت صحيح او ما صليت واليوم خلاص فشلو ركايبي
كنت قادر او ما قضيت دين صيامي ودين جيوبي
سمعت الحج او ما لبيت بصح كنت لزهو نلبي
طريق الحق عليه صديت يقلب حديد عصيتك ربي
واليوم رشيت وتهدمت والهاذ الساعة ما درت حسابي
ساعة قعدت وحدي فالبيت بيني وبينك سيدي ربي
جيت في صدرك وتخبيت عسى انت الي تستر عيبي


والجزء الثاني:

وكل ذنوبي او ما عييت فوق ظهري ظاهر ومخبي
من هاذ الدنيا انا عييت اوذرك خلاص دخل من بابي
ملاك الموت وليك ناديت ياربي لا تخيب طلبي

جيتك غير وحدي فالبيت ماكان لا امي لا ابي

ماكان ولادي اللي ربيت ماكان لاحبابي ولا صحابي

وماكانت زوجتي اللي حبيت ماكان لااهلي ولانسابي

ماكان مالي اللي خبيت واحد مالقيتو جنبي

غيرك انت اللي جيت ترحمني وترحم قلبي

وكل ذنوبي اوماعبيت فوق ظهري ظاهر و مخبي

راهم دخلوا اهلي للبيت ولقاوني خلاص في حكمك ياربي

اخر بلابيه نبليت شهدت بربي وبالنبي العربي

سلمت عليه وصليت بلساني اوحتى بقلبي

حسيت من روحي تشديت اوكلي راهي خارجة من صلبي

شديت شديت وتحديت واهلي يشربولي في شرابي

ماشربولي عاودت رديت او كلشي دار على قلبي

قبلت الحق اوبيه رضيت باللي لحقت ساعة غيابي

شفت الروح طالعة ودريت راهي رايحة تقابل ربي

رفعت عيني معاها وبقيت نسمع فالنواح او البكاء جنبي

زاد عذابي وقلت ياريت يترحموا خير بلاك ينقص عذابي

جابولي طبيب او ماظنيت راح اليوم ينفعني طبيبي

انا مت خلاص وفنيت كل شيء فاني والباقي ربي

حطوني وحدي وتخبيت وجابوا اللواح وحطوهم قربي

ودخلوا المغسل عندي حيث غسلني ثلاثة ودعالي ربي

جيبوا الكفن يا اهل البيت اولبسولي ثياب ما هيش ثيابي

كفنوني اوهكذاك بقيت وبداو يلحقو اهلي وقرابي

جيراني اللي معاهم تربيت صغري وصحابي وكل حبابي

على ظهورهم اتهزيت صندوق حطب هو مركبي

خارج رايح او خليت كل شيء ورايا وانا معايا

غير فعلي اللي اديت كان ايجابي ولا سلبي

رايح كرهت ولا حبيت لوكان من الاول درت حسابي

منك يا الدنيا واش ديت يااللي كنتي عليا تكذبي

ياللي حبيتك وفيك شديت واللي ما تستاهليش حتى حبي


اومن بعد كلي حسيت واحد ينوض فيا من جنبي

ويقولي ان شاء الله خير ماريت كانت رؤيا بعثهالي ربي

باش يفكرني لكان نسيت الشئ اللي راهو مخبي

مهما عشت مهما حييت ميت...ميت...والباقي غير ربي


ربي يهدينا ويخلينا في طاعتو ويملا قلوبنا بحبوا
ااااااااااامين ياربي
سلااااااااااام

جزاك الله خيرا اختي
الغالية هديل

بارك الله فيك على الموضوع الرائع
شحال مكتاب وكتاب قريت بصح عمــــري ما قريت كتـابي
هدا جد مؤثر
شكرا اختي

الهم احفضنا من العلمانية يا رب
أمين

هههههههههههههه
ياكسولة صحة النوم هدا وين تجي
ايه نسيت بلي كنت راقدة

روعة هاد القصيدة تعيشي حنونة
بركايك من الرقاد

شكرا لكم على الردود اخي البوسطاجي وسرسورة
باذن الله راح نعمل المستحيل باش نكون نشيطة

ا ن شاء الله ياهديل متـــــــــعيــــــنا بــــــــــــــــمواضيعــك
ونحن في إنتظار نشــــــــــــاطك وجديدكـــ دمتي لنا

شكراااااااااااااااااااااااااااااااا ليك هدولة

شكرا لك هدوووووووول على القصيدة
وننتظر المزيد منك
وبركاك من الرقااااااد ههههههههههههههههههههههههه

فور اختي يعطيك الصحة

شكرا لكم على مروركم العطر
في انتظار تشجيعاتكم