ساعدونييييييييييييييييييي.............

بسم الله الرحمن الرحيم

السلام عليكم و رحمة الله و بركاته

اخواني اصدقائي ....راني حاصلة ارجو منكم تساعدوني بمعرفتكم

وجهوني علوم طبيعية في الشلف ومن بعد درت طعن و درت لغة فرنسية مدرسة عليا استاذ التعليم الابتدائي في وهران

ومن بعد اكتشفت بلي ماهيش مليحالي حتى انا ماكنتش باغيتها غير مع شوية ضغوطات تسرعت و درتها

و درك راني باغية نسجل فيها و نتحول هنا في الشلف و نرجع للبيولوجي

بالصح قالولي بلي كاين مسابقة قبل التسجيل و انا مانيش باغية نروح حتى لوهران

و درك مانيش عارفة ايلا نروح ندير المسابقة و نسجل و من بعد ندير طلب تحويل و الا مانروحش كامل و هكا يرفضوني و يرجعوني

لشلف

راني بحاجة ماسة لمساعدتكم معرفتي قليلة خاصة انو الوقت ضيق بزاف و اخر اجل للمسابقة يوم الاحد ان شاء الله

ساعدوني ............

السلام عليكم

انا تاني و الله ماني باغياتو بالصح تسرعت و مانيش عارفة شا نديرمع المسابقة

واش حتى واحد ماهو باغي يساعدني

زعما عنوان الموضوع ساعدوني ....................

أعتقد ان التعليم في الجزائر كارثة
خطيك منه
و شوفي حاجة اخرى

رانا هنا جهودة

شوفي اختي فيما يخص البيولوجيا بعد التخرج

ممكن تدرسين علوم طبيعية في متوسطة او لغة فرنسية في متوسطة متاكد

كذلك ممكن العمل في المستشفيات قسم التحاليل
أو في سيرفيس ديزو قسم مخبري لتحليل المياه

واظن أن البيولوجيا ويجنبك دراسة اللغة الفرنسية لأنها تمنح لكم بعد التخرج لتدريسها في المتوسطات

وشكرا ابقي بيولوجيا احسن جهودة وربي يوفقك

اظنان احسن اختيار لا تقدمي على المسايقة
و بهدا يتم تحويلك


بالنسبة للقرار الاول و الاخير يبقى عليك لكن نصيحة مني اطلبي النصيحة من اصحاب الاختصاص لان هدا مستةبلك فاختاري الانسب


ربي معاك و موفقة فلي رايحة تختاريه


مبروووك الباك رغم انني متاخرة

نصيحة مني عليك بالتعليم
الناس ينظرون للتعليم انه مرض ومشاكل وووووو ولكن لا ينظرون اليه من ناحية الدين والاجر
اذا نحن هربنا من تعليم صغارنا فمن لهم يا جهودة.والله لابتسامة طفل وتعلمه لحرف خير من الدنيا وما فيها

كل الاعمال فيها مشقّة للذين يعملون بجد واتقان وكلها متعبة ويا فرحة من نام كال(تعبان) من عمل يده

انصحك استخيري الله وتوكلي عليه والكاتبة تكون باذن الله
ربي يسهل لك اختي

السلام عليكم . ومساء الخير عليكم كلكم طبعا نحن نحن نستطيع ان نساعدك أخت جهيدة
ولاكن بمدا نساعدني بالدعم المعنوي أنا راني نشوف فيك أخترتي وكملتي والإختيرا يكون غلى حسب المعدل :لهدا ربما كان اختيارك موفق وهوا صحيح لاتفشلي في مشوار دراستك أكملي مابدئتي به وتعبت من اجله انسحكي اختي أنضري هنا الكثير من المهن ولاكن كيف تكون التضحيات أولا هناك رساميــن عاشوا متسوليـــن .. وعنـــدما رحلوا عن الدنيا ..أنجـــذب الناس لرسوماتهم وبيعت لوحاتهم بملايين الدولارات
لهدا لانهم لم ييئسو من عملهم ولا يمل ولا يخشو التعب وهناك أدبــــاء وكتاب اودعوا الســـجن وعاشــوا في المهانة
مع هذا
لم يستسلموا ويكســر أقلامـــهم لانهم أيقنوا أن التاريخ هو من سيدفع ثمن أوراقهم وبــدأ عندهم... عهـــد الكتابة على الجدران شأنهم كالأســـد الذي يجول في الميدان المقفل .نتمنى لك طريق النجاح والأمان في عملك نحن لا نحكم غيب الله ولاكن نامل ان تعشي دهر الدنيا وتري بعينك كيف هيا تدور حولها .
انا اعرف اني اوريد ان اوصل لكي الرسالة عن قناعة تامة
ما من أمة تسعى لأن تحتل مكاناً مرموقاً بين الأمم ، إلا وأولت العملية التربوية اهتماماً بالغاً
ومما يضخم مسئولية المعلم في تحقيق أهداف المدرسة أن تطور الحياة الاجتماعية والاقتصادية جعل المدرسة مركزاً هاماً من مراكز الإصلاح ان شاء الله تكوني معلمة جيدة التعليم جهد مقصود لمساعدة الآخرين على التعلم. التعليم هو تزويد الطلاب بالمعلومات أو المهارات مع اني اود ان اشرح لكي شيء بسيط
ربما لاتجدينه في المهن الأخرى .. أخلاق مهنة التعليم يا جهودة
سبق أن أشرنا إلى أن أي مهنة لابد لها أخلاقيات تنظم السلوك العام لأعضاء المهنة بعضهم مع بعض, ومع غيرهم من المعلمين غي مجلات المهن الأخرى، وكما أن هناك أخلاقيات لمهنة الصيدلة، وثالثة لمهنة القضاء... الخ، فهناك أيضاً أخلاقيات خاصة لمهنة التعليم .
وقد صدر في عام 1405هـ إعلان مكتب التربية العربي لدول الخليج لأخلاق مهنة التعليم ويتكون هذا الإعلان من عشرين بنداً هي كما يلي:
أولاً : التعليم مهنة ذات قداسة خاصة توجب على القائمين بها أداء حق الانتماء إليها إخلاصاً في العمل، وصدقاً مع النفس والناس، وعطاء مستمراً لنشر العلم والخير والقضاء على الجهل والشر.
ثانياً : المعلم صاحب رسالة يستشعر عظمتها، ويؤمن بأهميتها، ولا يضن على أدائها بغال ولا رخيص، ويستصغر كل عقبة دون بلوغ غايته من أداء رسالته.
ثالثاً : اعتزاز المعلم بمهنته وتصوره المستمر لرسالته، ينأيان به عن مواطن الشبهات، ويدعوانه إلى الحرص على نقاء السيرة وطهارة السريرة، حفاظاً على شرف مهنة التعليم ودفاعاً عنه .
لهدا ربما تراجعي نفسك جيدا وعليك بشجاعة ولا تنطري لاراء للاخرين كل واحد يشوف مخرجو واش يخرج عليه واش يجيه ساهل لهدا لا تقتنعي بكلام الناس ربما انتي اتخترتي المهنة لانكي كنتي معجة بها ومن كثرة التدخلات الاصدقاء والاحبة ربما كان لهم دخل في تحويلك عليها بالطعن .ربما ستكون هيا المختارة
هوا كل شيء بالمكتوب ان شاء الله تكوني كما حبتي انتي انا راي هواالتعليم اعلى واحسن
واسمحلي على الإطالة انيسة جهودة وبتوفيق

انا رايي من راي اخ فيصل فالتعليم انسب لك ,ساعات تبانلنا الحاجة اللي خيرناها ماهيش مليحة وفالخر تظهر العكس

احنا السنة توقعنا وخيرنا ..............والوزارة مشاتنا على مزاجها

انا خيرت التعليم وماكنتش حاباتوا

وفالاخيرررررررر داروني هندسة معمارية

والله فالدولة هادي يمشيونا على كيفهم

والله كي شفت بالللي بعثوني ارشي تشوكيت وتمنيت لوكان التعليم احسن

كرهتوا مع الاول....وكي تحطيت فالامر الواقع قلت لوكان نخرج معلمة ولا مهندسة هاداا الدومان صعيب بزاف بزاف"عسى ان تكرهو شيئا وهو خر لكم"

مالقري تو تقبلت اني نقراها عادي خلاص......باسكو قبل ما تخرج نتائج التوجيه اتخذت قرار مع نفسي الحاجة اللي تجيني نقراها

والله لوكان تاخدي رايي التعليم خير من بيولوجي الف مرة

ممكن راكي تخممي كيما كنت نخمم انا مسؤولية وتوصل الفكرة ولا لامي نورمال االبريمار مليح ممكن انتي تقريي لولاد الصغار هادوا باه يوليولنا اطارات يحكموا الدولة على الاقل يوليو يتخذ قرارات صائبة

بالتوفيق ليك اختي.......اوبون كوراج

ان شاء الله تخيري حاجة ما تندميش عليها

بالتوفيق ليك وربي يجيب اللي فيه الخير

السلام عليكم
سبحان الله تقريب نفس ماحصل معايا
اولا: المدرسة العليا في وهران اللي سجلتي فيها يعني انك كي تتخرجي رايحة تتخرجي استاذة تعليم ابتدائي
وفي التسجيل مايديروش مسابقة هو فقط استجواب شفهي بالفرنسية entretien
يسقسوك واش الي جابك هنا واش الهدف نتاعك وووو....
مالا انا تاني ماكنتش حاب قلتلهم الحقيقة باللي درت غلطة وجيت هنا خلاص رفضوني
ومدولي الحق في اختيار آخر ولكن من بين العشرة فقط
وخيرت ورحت سجلت.
والله أعلم
ان شاء الله نكون أفدتك
السلام عليكم

و الله غير عندك 100حق اخي فيصل و اختي سهيلة و راني عارفة بلي مانلقاش مهنة من التعليم خاصة انها ابتدائي

انا صح كانت عندي فكرة سيئة على التعليم عل انو مسؤولية و مانقدرلوش بالصح و في لحظة تسرع درتها علة اساس انو نقراها برك خاطر ساهلة و مافيهاش التعب بغيت نريح من التعب تاع 13 سنة اللي راح في زمان مابقى فيه غير المعرفة و البيستون و كان تعب بمعنى الكلمة بذلت مجهود كبير رجعت نندم علية و كنت ديما من المتفوقين عل ذاك كان عندي امل كبير اني نكمل و نوصل للشي الي راني باغياتو و بغيت نديرها على اساس نعاود الباك و نوصل وين راني باغية برك باش نتحدى هاذي البلاد اللي حرمتني من ابسط حقوقي و انا ملي كنت صغيرة نخمم باش نخدم لبلادى

بالصح مع هذا الشى كامل كانت ظروف صعبة بزاف خلاتني نتنازل على هذا القرار و نرجع لواش كتبلي ربي نهار و جهوني بيولوجي

خاصة اني في الشهر اللي فات صراتلي اكسيدون و تسبتلي في اضرار كبيرة جسمية و نفسية الشي اللي خلا والديا يخافو عليا كون نبعد و انا مازال مابريتش

اسمحولي حكيتلكم حياتي كاملة

شكرا فيصل شكرا سهيلة صحيتو بزاف على شاقلتولي

و درك نطلب منكم تدعولي من قلوبكم يوفقني ربي و نرجع لشلف

شككككككككككككككككرررررررررررررررررررررررررررا

فيييييييييييييييييييييييييصل و سهيييييييييييييييييييييييييييلة

اخي نونو قلي واش درت و كيفاش رفضوك انا مازال مارحتش و مانيش عارفة شاندير وقلي ايلا يرجعوني بيولوجي خاطر ماعنديش الحق في عشرة اللي درتهم كلهم يطلبو فوق 14 المعدل قلي و ايلا يرجعوني للتوجيه اللي طعنت فيه و كي رفضوك سجلت و راك ناوي تتحول و الا كيفاه

اوك
كي رحت نسجل تسجيل نهائي
رحت لوهران دارولي استجواب شفهي
قلتلهم ها واش كاين وراني جيت هنا غلطة وبطبيعة الحال رفضوا تسجيلي
طلعوني الفوق في واحد المكتب كاين سكرتير الميكرو نتاعها مرتبط مع مسؤولوي التوجيه
شافوا الاختيارات نتاعي وخيرت وحدة وقارنوا معدل القبول مع نتاعي
واعطوني ورقة تحويل للجامعة الجديدة ورحتلهم نسجل
بالنسبة لاختياراتك خارج العشرة الله أعلم هنا بصح شوفي انتي تخصص تكوني مقبولة فيه واديلهم الكود نتاعو ممكن يخيروهلك.
ملاحظة: حتى اذا ماقبلوكش بعد الاستجواب في وهران وما قبلوكش في الجامعة الي تتحولي ليها بدعوى مانعترفوش بهاد الوثيقة كيما اصراتلي
عندك فرصة تولي لوهران في سبتمر للتسجيل فيها.

العفو اختي جهيدة والله هدا ابصط شيء نستطيع ان نسعادكي به نتمنى لك كل الخير وإن شاء الله
تكوني من الناجحين والله التعليم هوا شرف كبير المهم الانسالن يحمد ربي على كل حال لانو وصل الى الجامعة
بمجهودات وتعب كبير مايخليش الانسان السنين تضيع منو بهده السهولة والسبب في العمل ...؟
انا كون جيت في بلاصتك يعني نكون خيرتك وخلصت لا تراجع عن قراري ليس لاني عنيد بل يجب ان اعقد العزمى واتحدى قدرتي الانسان لازم يجرب ويزير روحو باش يعيش في تحدي وصراع عن منصبه حتى يناله وفي الاتخير تحمد ربي لانه اوصلك الى تحقيق حلمك يعني التعليم هوا طريقة سهلة جدا اختي جهيدة
لازم عليك تكوني مركزة مليح وتحسني قراقك بيدك ولا تسمعي كلام الناس كثيرا حتى لا تندمي على إختيارك
ولا تندمي الدي كان واقف معك في التشجيع لبد ان يفرح من انصحكي ووجهكي الى ماهوا أحسن لكي وللمجتمع الجزائري لكي مني الف والف تحية على تحديك ولا تخدلينا اكملي على ماهوا صحيح وأستشري
أهلك أولا وخاصة أبوك وأمك وإخوتكي فيهدا الامور لعلا أبوك أو أمك ليس راضيان عن هده المهنة
هنا قد تكوني خصرتي الرهان أفعلي المستحيل لكي تعرفي أرائهم حتى ولو قلتي لهم اني سدرس كدا وكدا ومهنتي هيا التعليم وهم سيقلونم لكي كلمة قد تكملي بيها حياتك كلها وهيا الله يكون معاك دعوة من الوالدين هيا 20/20 نقطة ربما انتي وضعتي فينا كل ثقتك ونحن أيضا قلنا مانملك والغختيار هوا خلاص راكي خيرتي وكملتي ماتزديش المهم العزيمة والإرادة وحطي ربي في قلبك وتكلي على ربي وربي معاك
ان شاء الله تكوني مقتنعا بإختيارك

شكرا نونو و الله غير عاونتني بزاف ربي يخليك لوالديك و يكملك فواش راك باغي

تحياتي شكككككككككككككككككرررررررررررررررا ششششششششششششششششششككككككككككككككككررررررررررررررااااااا ششششششششششششششششششششككككككككككككككررررررررررررررررراااااااااااااااا

يا فيصل راك باغي تاع الصح ندير معلمة في بالي باش نقريلك ولادك و نمدلهم النقاط بلاش خاطر انا معرفة

هههههههههههههههههههههههههههههههههههههه

انا ما نيش ضد بالصح نعاود نقلك ظروف منعتني على كل حال ماقريتش الرد نتاعي مليح بالصح ماعليش المهم فهمت الرسالة اللي بغيت نوصلها

شكرا اخي فيصل عندك الصح ماكاش كيما اللي يخليها على ربي

و فالاخير لازم نرضى بواش كتبلي

شكرا اخي فيصل و الله كلامك ينحط على الجروح تبرا

ربي يخليك لينا و صح رمضانك

جهووووووووودة كتب:

شكرا نونو و الله غير عاونتني بزاف ربي يخليك لوالديك و يكملك فواش راك باغي

تحياتي شكككككككككككككككككرررررررررررررررا ششششششششششششششششششككككككككككككككككررررررررررررررااااااا ششششششششششششششششششششككككككككككككككررررررررررررررررراااااااااااااااا

العفو أختي الكريمة
مادرنا غير الواجب وانا في الخدمة
مرحبا بك

شكرا اخي نونو ماكنتش نظن نلقى ناس كيمانتوما يعاونوني على الاقل معنويا

صح رمضانك

شكرا جزيلا على تفاعلكم و على نصائحكم

صح رمضانكم

المدير العام كتب:

شكرا لكم على التعاون
شكرا لكل من ساهم و ساعد في توضيح الأمر و ايجاد الحل اللازم
أتمنى في المرة القادمة كتابة عنوان الموضوع بشكل مفهوم و واضح
حتى تتم المساعدة بسرعة
وفقك الله أختنا الفاضلة جهووووووودة
ينقل الى القسم الصحيح

العفو منكم سيدى المدير كنت في حالة مستعجلة