قالك .. نكت في نكت ..//

قالك .. نكت في نكت

●▬▬▬▬▬▬▬▬▬▬▬ஜ۩۞۩ஜ▬▬▬▬▬▬▬▬▬▬▬●
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
&&&&&&&

-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا
دارو عليه ولادوا وجابوا معاهم العصي عطا الشايب لواحد من ولادو 2 عصيات
وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل
ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم
باباهم وقالهم: روحوا يا ولادي مدام معاكم الجحش هذا ما نخافش عليكم
&&&&&&&&&
واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟
أعطيني سعيدة , يسقصيه على حاجة ويدي حاجة أخرى , المهم وحد المرة كان جايز
باباه , عيطلو مول الحانوت قالو : ولدك راه يمرضني , يسقصي على حاجة ويدي
حاجة أخرى , قالو باباه : عندك عصا ؟ قالو ايه , قالو أضربو بكف

&&&&&&&
واحد المعلمة سقصات طفل , قاتلو قول صباط , قالها " هباط " , قاتلوا صباط
ماشي هباط , قالها هباط , قاتلو صباط قالها هباط , المهم قالتلو جيب ولي
أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه
يقولك هابو (زعمة صابو )

&&&&&&&&&&&&
قالك واحد غلباتو مرتو ديما يغسل المواعن هو , واحد النهار راح لواحد صاحبو
قالو كيفاش ندير معاها قالو روح مزعف واصرخ عليها ضرك تخاف منك , أيا نهار
دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش
تحب يا حمار قالها كشما مواعين نغسلهم

&&&&
قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح

&&&&&&
الأول : لدي ذاكرة قوية أي شيء يدخل في رأسي لا يخرج
الثاني : وكيف نسيت المال الذي أقرضته لك
الأول : هذا دخل جيبي ولم يدخل رأسي

&&&&
زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاش"

&&&&
أيا قالك واحد راح مصنع انتاع مركبات كيميائية , لقى صهريج فيه حمض الكلور
HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم

&&&&
واحد راح للطبيب النفسي قالو يا سيدي أصبحت أحس أنني كلب , قالو منذ متى تعاني هذا المرض قالو منذ كنت جروا

&&&&&
. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك
القرعة وادعيلي دعوة خير , عطاتهالو وقاتلو الله يفتحها في وجهك

&&&
واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقصيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو

&&&&&
واحد مجنون عيط في البرتابل ديالو
لنميرو في الزهر مالا جاوبت وحدة قالها هذا النميرو نتاع محمد قاتلوا لالا
قالها مالا وعلاه تريبوندي.

&&&&&
واحد مجنون راح لجنازة قام يخطب عليهم قالهم الانسان كيما بني ادم اذا مات يتوفى
&&&&&
كاين زوج ركبوا تاكسي واحد ساق والاخر جذور

&&&
المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق
&&
واحد مجنون بالرسوم المتحركة مات باباه كتبلوا في قبروا
the and

ههه

●▬▬▬▬▬▬▬▬▬▬▬ஜ۩۞۩ஜ▬▬▬▬▬▬▬▬▬▬▬●

سلامـــي
قالك .. نكت في نكت ..// 374671

مــروااان

هي نكت رائعة .

زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاش"

شكرا عى الموضوع .

ههههههههههههه
العفو خويا فاروق
ان شاء الله نكونوا ازرعنا بسمة على شفاهكم
شكرا لمرورك الطيب دائما
تحي الصح فاروق
انا عجبتني تع طرطريق على وزن سلسبيل
ههههههههههههه

مرواااان

ههههههههههههههههههههههههههههههههههههههههههه
نكت رائعة
شكرا لك والله ضحكتنا

ههههههه
العفو ايها الملكية
تدووووووووم اضحكة يارب
ان شاء الله يكون عجبوك و ضحكوك برك
ههههههههههه
تحياتي

مروااان

خخخخخخخخخخخخخخخخخخخخخ

444 مرسي

» كاسياس على خطى مورينيو: (قالك الحظ )..//