مهد الاديان

قريت كتوب شكال ولـــوان... وما خلّيت حتى صفحة فيها

تحكي تاريخنا في كل زمــان ... قـلـت بالاك نفــهم بيها

حبّيـت نعرف حاجة يا خـوان ... هدي سنــين وانا علــيها

نمشي ونــحوّس كل مكان... ندقّـق في سرارهـا ومعانــيها

ما عرفت علاش ارض الكنعان... لـمدينـــة العامــرة بمواليها

ولآت محاصرة فـكل الطّرقـان... حتى ويـــدانها وضواحيــها

غلقو على ناسها كلّ البـيبـان... حــتلوها وقالو نسالو فيها

داسو جوامعها ومنـعو الآذان ... ناسها ما لقات ناصر يحميـها

يا أهل النّــخوة يالـحـنان ... يا اللي في قلـوبكم الغـيرة عليها

يــاك ربي ذكـرها فالـقرآن ... ونــوارو كل ضـالة يهديها

يـاك فلســطين مهد الأديان ... وشحال من نبــي فات عليها

جميــع اللّي زارها يلقى لامان ... وترحّـب دايـمن بلي يجيها

منــها رسولنا رفعوا الرّحمان... للسـموات هـادي تكفيــها

صــلوا معايا عليه يا خـوان ... الصـلات عليـه لازم نوفيها

علاش ما تــولي مـجاد زمان ... ونكــونو يدّ وحـدة تفديها

علاش ما نتــحلاو بالإيــمان ... يــاك فرقتنا تزيـد عـليها

مالـقيت جواب واضــح للآن ... بصّح نطـلب ربي ينجّيــها

شكرا قصيدة رائعة وكلمات اروع



شكرا اخي الكريم