ســــــمر الليل .. باللهجة الجزائرية

بناء على اقتراح الأخت الغالية عاشقة الروح
حبيت نحط أحد خواطري
لكن باللهجة الجزائرية

نتمنى تفهموا ويعجبكم


سمر الليل

قالي الليل يالي عيونك ذبلك
يكفيك دموع قلبك فيها يعوم


قلتلو قلبي من يدو ما قدر يفلت
خلاص غرق في حبو وراح النوم


حتى لوكان يهدى ويغلبني نعاسي
يخدعني المنام والحلم ما يدوم


نذكر حينها قليبو القاسي
اللي جرح ذاتي وجعلني مهموم


أنا لو شكيت ياليل عذابي
تتوقف عن سيرها ديك النجوم


تبكي تتحسر على شيب شبابي
ولفي نساي وانا مظلوم


سلطاني أنا في حكمو ظالم
من رفقو وحنانو راني محروم


بالحب قهرني وبحالي عالم
وطعن قلبي بكلام مسموم


من بعد ما جعلني بالأمس نفرح
تركني نتمنى الموت اليوم


صار يتسبب يسأل يشرح
وما عاد شي منو مفهوم


قلبي صبر على صبري الطوال
وما فاد صبري ما فاد اللوم


بين الآه والآه قلبي جوال
بين العشق والنار قلبي مقسوم


عاد الحب في قليبو فاني
وفي الآخر رجع قلبي مهزوم


ما قطعت لياس وهو نساني
ورجع كل اللي بنيتو مهدوم

في انتظار ردودكم