فطوركم عندي..... ارجو التثبيت

السلام عليكم

صباحكم ومساؤوكم عطرا وياسمينا
ومباركم لكم ولنا الشهر الفضيل
ذنب مغفور واجر مقبول للجميع
امين يارب العالمين

اليوم حابة اعرض عليكم موضوع وياريت يعجبكم وهو خاص بالشهر الفضيل
هو عبارة عن موضوع خاص بالطبخ
تدخل كل يوم احدى عضوات المنتدى وتضع اشهى واطيب الماكولات المعهودة والمعروفة بها منطقتها في الشهر الفضيل
وهكدا يمكننا ان نتعرف اكثر على تقاليدنا
وهو يحوي شروط للتحديد وهي

العضو اللي يختار يوم يكون ملتزم فيه واذا اراد يعتذر يبلغنا قبله ب 3 ايام لنلقى بديلا

بنفس اليوم تنزل السفر النهائية ماتأجلها لليوم الثاني وتكون قبل المغرب طبعا

وهذي الايام

1- رحمتك يارب العباد
2-
3-
4-
5-
6-
7-
8-
9-
10-
11-
12-
13-
14-
15-
16-
17-
18-
19-
20-
21-
22-
23-
24-
25-
26-
27-
28-
29-
29- شوفوني اخترت يوم -1-واللي تختار بعدي وتحط اسمها في اليوم اللي تريده

اتمنى ان تعجبك الفكرة
سلاااامي

علابالي دالتي اليوم انا الكوزينة اصبروا عليا شوية برك
نظف البيت ونمسح الغبرة
ومن بعد الطابلية والكوزينة تعيط
مانطوّلش عليكم

**فطوركم عندي**..... ارجو التثبيت 501216

اسمحولي طولت عليكم بالصح واش تحبوا هدا هو الشغل

راح نبداو بالبوراك انا لوكان مايطحطش
عاطابلة مايبانش رمضان

وعلابالي هدا احساسكم كلكم

بسم الله

اول حاجة نحضروا المقادير وهي عبارة على :

250غ لحم مرحي, البقدنوس. ملح

توابل.بطاطا مسلوقة وبيض مسلوق

وطبعا اوراق الديول

ان الاوراق نخدمهم مانشريهمش مي والله
وحدة تصلح 10 نخسرهم

هههههههههه

شمري على ذرعيك ضركا وخلطي كل شي مع
بعضاه

من بعد نفتحوا اوراق الديول ورقة .ورقة

قلت ورقة ورقة ماشي زنقة زنقة

هههههههه

ايه نفتحوا الورقة ونحطوا فيها شوية من
الخليط نتاعنا

من بعد نلفوها مليح وباه ما يخرجش الخليط
نتاعنا نقفلو حافة الورقة ببياض البيض

وكي تكمليهم راح تقليهم طبعا

بصح انا ننصحك ماشي ضرك بعد مايبقى
للآذان حوالي 30 دقيقة هكدا

باه يبقى البوراك نتاعك سخون

خذي نصيحتي انا نحبو هكدا ديما

مازالني نظف في سامحوني دركا نولي

ياوحد الستوتة صحا رمضانك والبارح راني نخمم فيك

ينعاد عليكم بالخير والبركة ان شاء الله

فيما يخص البوراك حتى احنا في دارنا واحد لايستغنى عليه

وقريب يشبه للبوراك تاعكم نحن فقط زايدين شوية مقادير كيما الزيتون والفرماج

فيما يخص وقت الطياب رانا كيف كيف قبل 30 دقيقة على الادان

هدا فيما يخص البوراك

نحط اسمي فاليوم الثالث

شكراااااااااااااااااااااااااااااااااا

جزائرية ونموت على بلادي كتب:: نحط اسمي فاليوم الثالث

شكراااااااااااااااااااااااااااااااااا

اوك احسااااان

نحن في انتظار طبقك

**فطوركم عندي**..... ارجو التثبيت 606427

**فطوركم عندي**..... ارجو التثبيت 289799

**فطوركم عندي**..... ارجو التثبيت 865785

مرسي عيكم لبنات بزح وجدوا رواحكم من بعد باه تعدلوا المايدة
ايه منووورة عجبتني فكرتك وراني زدتها اليوم في البوراك نتاعي

نروحو دركا للشربة

بصراحة هي رمز المايدة في رمضان

لازمنا:

قطع من لحم الخروف مقطعة على شكل مربعات
متوسطة الحجم

بصلة متوسطة الحجم مرحية بشكل جيد

فصتي ثوم.زيت

توابل متنوعة المذاق

تعرفوا كيفاه نخدموها ماتبخسوش بيا المهم
انا نزيد

نذكركم علابالي شاطرات بصح راه قاتلكم
لعطش

نحطوا اللحم والبصل والزيت والبيقة في
قدرة

ونخلوهم يتقلاوا مليح

ومن بعد نزيدولهم الماء

اللي قلّينا فيه اللحم

نخلوهم يطيبوا ونزيدولهم

الفريك ونحطوهم على نار هادية حوالي 30
دقيقة

وهكدا تكون خلاصة شوربتنا من بعد
نحطهالكم

ماتكونوش طماعين بزااف
هههههههههه

ضرك نولي من بعد مع الطبق الثاني

مافهمتش

مرسي

صحا رمدانكم

احنا ثاني نديرو هكا البوراك

فقط بالنسبة للبيض مانحطوهش مسلوق نحطوا بيضة نية باه لافارس تحكم روحها.بالاضافة للفرماج والزيتون لكحل او لخضر

وكي نجيو نسكروا البوراك نحطوا في اناء الماء وشوي فرينة نخلطوهم او بالبانسوا نمشيو على الوراق

هادي طريقة ايفيكاس مايتحلوش خلاص

اما الشربة حنا تاني نديروها هكا

اختار يوم15...باسكو رانا من منطقة وحدة يعني تكون اطباقنا متشابهة بنسبة90بالمئة على هاداك حبيت نخير النصفية على الاقل نبدلو شوي

بالمناسبة موضوعك رائع سارة.......هكا نتعرف شوي على المائدة الجزائرية
في انتظار الدزيام بلا
؟؟؟؟؟؟؟؟؟؟؟؟؟؟يالبنات شكون اللي راح تختار رقم2

سارة مبروك عليكم الإفتتاح

فقط حبيت نقول بالنسبة للبيض المسلوق احنا نحطوها نية زيد معاها الزيتون الاخضر لازم
الاضافات الاخرى مثل الفورماج وغيرها هذيك على حسب مقدور كل عايلة

مي تاع بيض مسلوق ماجربتهاش

اليوم نجربوها وربي تستر

شكرا

مشكورة حبيبتي سوسو الرائعة على مرورك الجيد واضافاتك الرائعة
اكيد يمكنلك تختاري ماشي شرط يكون ليك يوم 1 في الشهر هذا نظرا لنقص
عدد العضوات فيه
ايه ورانا نستناوا شكون اللي تحط النهار التاني

ودركا واش بقالنا

انا تعبت وحدة تدخل تعاونني

الطبق الثاني راح نديرلكم

طاجين الكفتة نموووت عليه

ان شاء الله يعجبكم

نجيبوا

حوالي كيلو
كفتة
بصلة كبيرة
3حبات طماطم

فلفلة حارة و تقدروا تستعملو ايضا الحلو
والتوابل

ملح
كمون

فلفل اسود

و شوية زعفران
شوية ثوم
زيت الزيتون
الطريقة بسيطة جدا

نحطوا في
الطاجين 3ملاعق زيت و نزيدوا البصل و الثوم و ونخلوهم على نار هادئة

بعدما تدبل
البصلة نزيدوا الفلفل و التوابل وربع كوب ماء

ونخلوها شوية
تحت نار هادية

من بعد نجيبوا الكفتة نخلطوا معاها شوية بصل وثوم مبشورين ونكوروها

كي نكملوا نزيدوها للبصل هداك ونغلقوا عليها

ما ننساوش لازم نحركوها من وقت
لوقت باه ماتلصقش

ه مشكور ياسين على المشاركة ما تخممش ان شاء الله تخرج هايلة نعرفك شاطر في الكوزينة
ماتغيبلكش
اسمع وين راها القفة اللي قتلك اقضيها الصباح

سلام مرة اخرى

تعرفي بلي نموت على الكوزينة

غير با ناكل برك ماتخافيش هههههههه

عندي ليك ملحوظة فقط في طاجين الكفتة كيما تقولي كيلو تاع كفتة ....؟نورمالمون على حساب عدد افراد الاسرة

راجعي حساباتك وماتخلطيشرانا هنا نحاسبوكم على كل كبيرة وصغيرة

بخصوص القفة بعثتها مع فيصل كلاها في الرطيق ههههههه

شكرا مرة اخرى سارة في انتظار بقية طباخات المنتدة ربي يستر .........ههههه

السلاطة اليوم خيرتلكم

سلاطة الارز بالخضر

تبعوني تربحوا وتسلكوا على خير

ههههههههههه

مانطولش عليكم ونعطيكم واش لازمنا

اول حاجة 250 غ ارز مسلوق قاضي حاجة

الشمندر(البيطراف عندنا حنا)

جلبانة

طماطم

مايونيز

ذرة مسلوقة

بالنسبة لطريقة التحضير

اول شيء ناخذ صحن كبير مسطح

نضع القليل من الارز في صحن ذو عمق

ومن بعد نقلبوه في الصحن المسطح

من بعد على الجوانب نضع الخضروات سابق
ذكرها

وتكون مقطعة إلى مربعات ودوائر

وفي الاخير

ماتنساوش الصلصة نتاعها

ههه عولت عليك
ماتخافش ايه عندنا طباخات ونص بصح
رانا نستناوا شكون تشد الكوزينة غدوة انا غلبت

وضركا وقت الكسرة ولا كيما يقولولها
في بعض مناطقنا **المطلوع**
ليكم المقادير

كغ سميد من النوع الرقيق وتقدروا تزيدوا الفرينة
1ملعقة كبيرة خميرة خبز ونضعها في نصف كاس ماء دافئ ونخلوها تتخمر.
1/2ملعقة كبيرة ملح
ماء دافئ
طريقة العمل:
نخلط السميد مع الملح والخميرة ( المخمرة) ونزيدواالماء الدافئ بالتدريج ونخلطوا حتى نحصلوا على عجينة متماسكة ، ونخلوها ترتاح شوية
بعدها نعجنوها مليح ثم نشكل كرات ونبسط الكرات على شكل دوائر ونغطيها بمنديل وونخلوها تطلع او تتخمر شوي

من بعد حوالي الساعة17.30 نحطوا الطاجين ( صينية مصنوعة من الطين و الصلصال ) على النار باه يسخن مليح قبل مانحطوا الكسرة
وغطوها بالمناشف باه تبقى سخونة لوقت الآذان

علابالي طولت عليكم
ضركا نوجدلكم السفرة النهائية

زعمة بعتت ياسين باه يقضيلنا شوية هكدا خلا القفة في الحانوت وجا ماتلوموهش راهو صايم
ايه نسيت لازم
التمر والحليب
لاتباع سنة نبينا الكريم
ضركا نجيبهم

شهية طيبة ويارب
تنال سفرتي اعجابكم
صح فطوركم

يمممممممممممممممممممممممميممممممممممممممممممممميمممممممممممممممممممممميمممممممممممممم

ساااااااااااااااااااااااارة هااااايلين بزاف شهيتيني علاه عليييييييييييييييك

اسمعي انا تعرفيني كسلانة وفشلانة وذرحانة وفنيانة هههههههههههههههههه ان شاء الله كي يكتب ربي نحط ليوم للي رح نقرر فيه

وشكرا لك لفطور صافي ليوم عندك ايا بصحتنا ومررسي ليك حبيبة قلبي سارة

وصحا فطور جميع الاعضاء

ههههههه معليش استوت خليتيني حاصلة وحدي هنا
ايا يا فنيانات شمروا على دراعتيكم

نزيد نختار اليوم الرابع"4"

هايا يالبنات شكون اللي تدخل تحمرنا اليوم وجهنا

والله غير غلبت اليوم "راني مع ليبابي انتاع التسجيل"وتالي راني عاونتك سارة

شكون هاد الفحلة

اليوم دالتي

نبدا باسم الله

الحريرة

المقادير: 4حبات طماطم

2حبات بطاطا

2حبات قرعة

(courgette)

4سنات ثوم

4حبات بصل من النوع الاخضر

او العادي ماكانش مشكل

القليل من اللحم او الدجاج

ربطة ونصف قصبر ونصف ربطة نعناع

ملعقتان كبيرتان طماطم مصبرة

كمية قليلة من الحمص

فلفل اسود،قرصة كمون،مغرفة كبيرة راس الحانوت،مغرفة عكري،كاس صغير فريك حسب الطلب

زيت وملح

طريقة التحضير: مرقي الكل مع بعض في ماء بارد وبعدما تقلي الخضر ضعي الفريك.

ولما تطهى ارحي كل شيىء مع بعض وضعيها فوق النار لمدة 5 دقائق.

وفي الاخير ضعي القليل من التوابل التي ذكرت سابقا مرة اخرى.

الطبق التاني

سفيرية

المقادير:1كلغ لحم خروف او دجاج

حبة بصل

كمشة حمص مبلل

ملعقة كبيرة سمن

ملعقة صغيرة ملح

ربع ملعقة صغيرة فلفل اسود

ربع ملعقة قرفة

الكورات

3خبزات صغيرة قديمة

ذرة ملح

ذرة فلفل اسود

قرفة

4بيضات

200غ جبن مسحوق

طريقة التحضير:اقطعي اللحم،قطعي فوقو البصل.ضيفي الفلافل والسمن وكاس ماء صغير.اطهي لمدة 10 دقائق فوق نار ضعيفة ثم اضيفي الماء والحمص واستمري في الطهي فوق نار ضعيفة.

وفي هذه الاثناء بللي الخبز وانزعي الغاء الخارجي وادلكي اللب جيدا حتى يصفى من الماء. ضعي هذا اللب في اناء وضيفي اليه البيض الواحدة تلوى الاخرى ثم الجبن المسحوق والملح والفلفل الاسودوالقرفة وامزج الكل جيدا ثم اصنعي كويرات في حجم حبة الجوزالصغيرة وحمريها في زيت ساخن جدا.قدمي الكورات في صحن محاطة بقطع اللحم والحمص.

بوراك باللحم المرحي والسبانخ

المقادير:2 ربطات سبانخ

كمية من اللحم المرحي

بصلة كبيرة

ربطة معدنوس

طريقة التحضير:بعد ما تغسلي السبانخ وتقطعيها تطهيها في ماء مملح

نصفو السبانخ من الماء ونعصروها جيدا

في مقلاة نطهي اللحم المرحي مع القليل من الزيت الملح والفلفل الاسود

ونضيفوه للسبانخ

نقطعو حبة البصل والمعدنوس ونضيفوها للحم المرحي والسبانخ

افتحي اوراق الديول وضعي فيها الحشوة

لفيها ثم اقليها في زيت ساخن

وقدميها

ملاحظة:حبة البصل التي تضاف للحشوة تكون نيئة.

سلطة البطاطس بالمايونيز

المقادير:

-2 بطاطس متوسطة الحجم مقطعة مكعبات ومقلية
- 2 ملعقة طعام مايونيز
- ملعقة طعام بقدونس مفروم ناعم
- ملح
- القليل من الليمون

الطريقة:

نخلط المقادير سوياً وتوضع في صحن التقديم وتقدم .

» لنثقف انفسنا ارجو التثبيت
» :: لسنا أغبياء ولا حمقى ! ::(ارجو التثبيت)
» اللعبه اسمها لعبة الخطـــــــــــــــــوط الجوية للمنتدى <<>>ارجو التثبيت
» غداكم عندي لا تتاخروووووووووا
» ~::قلوب تستحق التثبيت::~